Այսօր հանրահայտ դերասան Կարեն Ջանիբեկյանի ծննդյան օրն է․ նա կդառնար ութսունհինգ տարեկան։ Տաղանդաշատ Ջանիբեկյանը ծնվել է 1937-ի հուլիսի մեկին՝ Երևանում՝ դերասան Գուրգեն Ջանիբեկյանի ընտանիքում։ Ավարտելով երևանյան գեղարվեստի ինստիտուտն սկսել է աշխատել Թբիլիսիի հայկական թատրոնում, ապա վերադարձել է Երևան՝ Սունդուկյանի թատրոն։
Կ․ Ջանիբեկյանն իր մասնագիտական գործունեության ընթացքում հանդես է եկել ավելի քան հիսուն ֆիլմերում։ Տպավորիչ են նրա մասնակցությամբ կայացած հեռուստաներկայացումները և թատերական ներկայացումները։
Կարեն Ջանիբեկյանն արժանացել է բազմաթիվ մրցանակների, պատվոգրերի, պետական կոչումների, այդ թվում Մովսես Խորենացու մեդալի։ 2004 թ. արժանացել է ՀՀ վաստակավոր, 2010 թ՝ ժողովրդական արտիստի կոչմանը։
«Ուզում եմ, որ մարդիկ ավելի մոտենան, մերձենան բնությանը, սիրեն աշխարհն ու միմյանց»։
