Այսօր Հոնկոնգի կառավարությունը 2 օդանավ և 4 ուղղաթիռ էր ուղարկել Հարավչինական ծովում փոթորիկի հետևանքով խորտակվող նավը հայտնաբերելու և անձնակազմի անդամներին փրկելու համար։ Նրանք երեք մարդ են փրկել և նրանց տեղափոխել հիվանդանոց։ Հոնկոնգի օդագնացության ծառայությունը այս մասին հաղորդագրություն և տեսանյութ է տարածել, բայց նավի անվանումն ու պատկանելիությունը չի նշվում։
Նավը խորտակվել է Հոնկոնգից մոտավորապես 300 կիլոմետր հարավ-արևմուտք։ Փոթորկի մեջ ընկած նավի վրա 30 մարդ է գտնվել։ Որոնողական աշխատանքները շարունակվում են բարդ պայմաններում՝ տեսանելիությունը մոտավորապես 500 մետր է, ալիքների բարձրությունը հասնում է 10 մետրի։
