«Ամեն ինչ լավ կլիներ, բայց տարակուսելի է, որ Կանադայի արտաքին գործերի նախարարության կողմից այս քայլը, ըստ լրատվամիջոցների, անկեղծորեն ներկայացվել է այդ թվում՝ «ռուսական ազդեցությանը հակազդելու» համատեքստում։ Զարմանալի է պետության նկատմամբ նման բացահայտ ամբարտավան ու արհամարհական վերաբերմունքը, որի հետ կարծես թե պատրաստվում են ամրապնդել երկկողմ կապերը,- տեղեկացնում է Azatutyun-ը։
Ակամայից մտածում ես, թե նման ուղղվածությունն ինչպես կազդի հայ ժողովրդի բարեկեցության ու անվտանգության վրա», – ասված է դեսպանատան հայտարարության մեջ։
Պաշտոնական Օտտավան օրերս հայտնեց չորս երկրներում, ներառյալ` Հայաստանում դեսպանություն բացելու մասին:
«Դիվանագիտական այս ընդլայնումը կօգնի հասցեական արձագանքել անվտանգության հետզհետե մեծացող սպառնալիքներին, էլ ավելի մեծացնել Կանադայի ներգրավվածությունը տարածաշրջանում՝ օգնելով դիմակայել Ռուսաստանի ապակայունացնող գործողություններին»,-հայտարարել էր Կանադայի արտաքին քաղաքական գերատեսչությունը։
Ռուսաստանի դեսպանատունը շեշտել է նաև, թե այլ երկրների և ժողովուրդների նկատմամբ «ամբարտավան վերաբերմունքն է» հենց ընկած ժամանակակից աշխարհում տեղի ունեցող բազմաթիվ ողբերգական իրադարձությունների հիմքում։
