ԱՄՆ-ում գործող ընդդիմադիրներից մեկը, ով մեկ ամիս առաջ հայտարարել էր, թե գործող իշխանությունը հրաժարական է տալիս՝ վայր է դրել իր ընդդիմադիր մանդատը։
Այս մասին գրել է վարչապետի աշխատակազմի ղեկավար Արայիկ Հարությունյանը՝ հիշելով այդ գործարարի հետ կապված պատմություն։
«Հունիսի 2-ին ԱՄՆ-ում իմ ամենասիրած մարդկանցից մեկը, որը լավ գործարար է, գրեց, թե Լոս Անջելեսում մի ընդդիմադիր իր ցանցի միջոցով տարածում է, թե 100 տոկոս հավանականությամբ այս իշխանությունը հեռանում է, սա հավաստի տեղեկություն է՝ երկրի ղեկը հանձնելով ընդդիմությանը: Ընկերս նաև հավելեց, թե շատ բիզնեսմեններ, ովքեր մեծ գումարներ են ներդրել Հայաստանում ու այս իշխանությունից շատ գոհ են, անհանգիստ են այս տեղեկությունից: Նրան պատասխանեցի, որ եթե այդ ընդդիմադիրներին հավատում են, ուրեմն չեն կարող լավ գործարար լինել, քանի որ սխալ են վերլուծում իրավիճակը»,- գրել է նա:
Հիշեցնենք՝ երեկ ՀՀ Ազգային ժողովի «Հայաստան» խմբակցության պատգամավոր Արթուր Ղազինյանը հայտնեց, որ վայր է դնում պատգամավորական մանդատը: Վերջինս պատճառները չէր մանրամասնել՝ շեշտելով, սակայն, որ դրանք կրում են բացառապես քաղաքական և մարտավարական բնույթ:
