Մարտուն Գրիգորյանը գրառում է կատարել՝ տեղեկացնելով, որ պատրաստվում է վերցնել պատգամավորական մանդատը: Վերջինս նշել է, որ որոշումը հեշտ չի եղել:
Նրա գրառումը՝ ստորև.
«Հարգելի գյումրեցիներ, շիրակցիներ, հայրենակիցներ, վերջին օրերին լրատվամիջոցներով տեղեկացրել եմ, որ վերցնելու եմ ԱԺ պատգամավորի մանդատը։
Բոլորս հասկանում ենք, որ երկրում առկա ներքաղաքական և հատկապես արտաքին քաղաքական օրակարգում՝ ծանր ու դժվարին այս ժամանակահատվածում, հեշտ որոշում չէր ստանձնել այսպիսի պատասխանատվություն։
Անկախ դժվարություններից ու խոչընդոտներից՝ որպես Շիրակի մարզից՝ Գյումրուց, ընտրված ընդդիմադիր պատգամավոր՝ պատրաստ եմ և պարտավորված ամեն ինչ անել մարզի խնդիրները բարձրաձայնելու և լուծումներին հետեւողական լինելու համար։
Հընթացս կտեղեկացնեմ Ձեզ պատգամավորական աշխատանքիս ծավալի ու զարգացման մասին։
Շնորհակալ եմ»։
Հիշեցնենք՝ հունիսի 21-ին ՀՀ ԱԺ «Պատիվ ունեմ» խմբակցության ղեկավար Արթուր Վանեցյանը հայտարարեց պատգամավորական մանդատից հրաժարվելու մասին: Գրիգորյանը փոխարինելու է Վանեցյանին:
