Հայտնի երաժիշտը կոչ է արել իր երկրպագուներին ճնշում գործադրել իրենց երկրների կառավարությունների վրա` հանքավայրի շահագործման դադարեցման մասին պետիցիա ստորագրելու հարցում։
ԱՄՆ-ն, Կանադան ու Մեծ Բրիտանիան ճնշում են գործադրում Հայաստանի իշխանության վրա` Lydian International հանքարդյունաբերական ընկերության շահերից ելնելով։ Lydian International-ի դուստր ընկերությունը շահագործում է Ամուլսարի հանքը։ Այս մասին Facebook սոցիալական կայքի իր էջում գրել է System of a Down խմբի մենակատար Սերժ Թանկյանը։
«Կարևոր է տարածել տեղեկությունն այս անարդարության մասին այն երկրների քաղաքացիների շրջանում, որոնք կարող են ճնշում գործադրել իրենց ներկայացուցիչների վրա, որ նրանք դադարեն սատարել շրջական միջավայրին վնասող օֆշորային ոլորտներին», – գրել է Թանկյանը։
Նա վավերագրական ֆիլմ է հրապարակել, որը պատմում է բնապահպանների ու տեղացիների պայքարի մասին։ Արտիստը նաև հանքը մշակելու դեմ պետիցիայի հղումն է տեղադրել։
Ավելին՝ armeniasputnik.am
