Պատմությունը մեկ անգամ չէ, որ ապացուցել է՝ հայերը աներևակայելի ողբերգության պայմաններում վերապրածներ են. Շիֆ

Ամերիկայի Միացյալ Նահանգների սենատոր Ադամ Շիֆը հրապարակում է արել Հայաստանի Հանրապետության Անկախության 35-րդ տարեդարձի առիթով։

«Հայաստանի Հանրապետության Անկախության 35-րդ տարեդարձի տոնակատարության առիթով այսօր ես միանում եմ աշխարհասփյուռ հայությանը: Պատմությունը մեկ անգամ չէ, որ ապացուցել է՝ հայերը աներևակայելի ցեղասպանության և ողբերգության պայմաններում վերապրածներ են»,- գրել է նա։

Ադամ Շիֆն իր համերաշխությունն է հայտնել հայ ժողովրդին՝ ընդգծելով, որ Ամերիկայի Միացյալ Նահանգները շարունակում է հավատարիմ մնալ Հայաստանի հետ հարաբերությունների ամրապնդմանը և երկրի ինքնիշխանության պաշտպանությանը։