Հուլիսի 15-ին հայտնի կդառնա՝ որն է լինելու մայրաքաղաքային սփռման նոր հեռուստաալիքը

Հեռուստատեսության և ռադիոյի հանձնաժողովը հանրային մուլտիպլեքսում սլոթի օգտագործման լիցենզավորման մայրաքաղաքային սփռման մրցույթի նիստի վերսկսման օր է սահմանել 2020 թ․ հուլիսի 15-ը։

Նիստում վարկանիշային քվեարկությամբ կկատարվի հաղթող մասնակցի ընտրությունը։

Հիշեցնենք, որ մայրաքաղաքային հեռարձակման մրցույթինն մասնակցում են հետևյալ հայտատուները․ 1. «։ԲՈՒՆ» գիտամշակութային հիմնադրամ 2. «ՀԱՅԿԱԿԱՆ ԵՐԿՐՈՐԴ ՀԵՌՈՒՍՏԱԱԼԻՔ» ՍՊԸ 3. «ՅԱՆ ԹԻՎԻ» ՍՊԸ 4. «ԹԻՎ 1 ՀԵՌՈՒՍՏԱԸՆԿԵՐՈՒԹՅՈՒՆ 2020»։ Հաղթողը սփռման հնարավորություն կստանա Երևան քաղաքի տարածքում։