G20-ի երկրների արտգործնախարարները Ինդոնեզիայի Բալիում կայացած հանդիպման ժամանակ հրաժարվել են ավանդական խմբակային լուսանկարվելուց, հայտնում է ճապոնական Kyodo գործակալությունը։
Ըստ գործակալության՝ ԱՄՆ պետքարտուղար Էնթոնի Բլինկենը և այլ արևմտյան դիվանագետներ փորձել են խուսափել ՌԴ արտգործնախարար Սերգեյ Լավրովի հետ համատեղ լուսանկարվելուց։ Ռուսական կողմն այդ միջադեպը չի մեկնաբանել։
Ինդոնեզիայի արտաքին գործերի նախարար Ռետնո Մարսուդին ավելի վաղ հայտնել էր, որ հուլիսի 7-ին G7 երկրների ներկայացուցիչները հրաժարվել են մասնակցել ողջույնի ընթրիքին՝ Լավրովի ներկայության պատճառով։ ՌԴ ԱԳՆ պաշտոնական ներկայացուցիչ Մարիա Զախարովան ասել է, որ Լավրովը «բոյկոտողների բացակայությունը չի նկատել»։
Reuters-ը նշում է, որ երբ Սերգեյ Լավրովը Բալի կատարած այցի ժամանակ լուսանկարվել է Ինդոնեզիայի արտգործնախարարի հետ, սրահից բղավոցներ են լսվել՝ «Ե՞րբ եք դադարեցնելու պատերազմը» և «Ինչո՞ւ չեք դադարեցնում պատերազմը»:
Հուլիսի 7-ին Բալիում բացվել է G20 արտաքին գործերի նախարարների ամբոջական խորհուրդը, հիմնական քննարկումները նախատեսված են հուլիսի 8-ին։ Սերգեյ Լավրովն առաջին հանդիպումներից մեկի ժամանակ նստել է Սաուդյան Արաբիայի և Մեքսիկայի արտգործնախարարների միջև։
Աղբյուրը՝ Meduza.io
Թարգմանեց՝ Աստղ Խաչատրյանը
