FlyOne Armenia ավիաընկերության Երևան-Ստամբուլ-Երևան չվերթը չեղարկվել է օդանավի հրամանատարի որոշմամբ, քանի որ նա տարբերություն է նկատել օդանավի տվյալների տվիչների մեջ և որոշոում է կայացրել դադարեցնել չվերթը: Կատարվածի վերաբերյալ տեղեկացվել են նաև Հայաստանի ավիացիոն իշխանությունները։
Ընկերության խորհրդի նախագահ Արամ Անանյանը հայտնել է, որ մի քանի ժամ անց չվերթը կիրականանա, և ուղևորները կհասնեն իրենց նախանշած վայրեր: «Սիրելի հայրենակիցներ, Ձեր անվտանգությունը մեր անսակարկելի առաջնահերթությունն է, և մենք ամեն ինչ անելու ենք, որ այն մնա այդպիսին»:
Անանյանն ավիաընկերւթյան անունից հայցել է ուղևորների ներղամտությունը պատճառված անհարմարության համար, և երաշխավորել, որ դեպքը կուսումնասիրվի և կարվեն անհրաժեշտ հետևություններ: Չվերթը երեկ չեղարկվել է բացառապես անվտանգային մտահոգությունից ելնելով, և որքան էլ թռիչքի չկայանալն առաջացնի անհարմարություններ և այլ խնդիրներ՝ այնուամենայնիվ, դա գերադասելի է, քան վտանգել հարյուրից ավել ուղևորների կյանքը։
Աշխարհի ավիացիայի պրակտիկայում չեղարկումներն ու հետաձգումները հաճախադեպ երևույթներ են, ընդ որում՝ պատճառները բազմազան են, և մեծապես չկախված հենց ավիափոխադրողից: Ավիաընկերության գործունեությունը գնահատելու ամենաառաջին չափանիշն ուղևորների անվտանգությունն է, որին կարող են երկրոդվել մնացյալ բոլոր գործոններն ու հետևանքները:
