Վերջին մի քանի շաբաթվա ընթացքում Ռուսաստանի կողմից օկուպացված ուկրաինական տարածքներում ռազմական պահեստներ են պայթել։ Թվում է` զարմանալի ոչինչ չկա, լայնամասշտաբ պատերազմ է: Բայց փաստն այն է, որ այդ զինանոցները տեղակայված են ռուսական զորքերի թիկունքում և մինչև վերջերս անհասանելի նպատակ էին Ուկրաինայի զինված ուժերի համար։
Ռուսական թիկունքում «պայթուցիկ շարքը» սկսվել է հունիսի վերջին։ Մինչ այս ուկրաինական զորքերը պարբերաբար հարվածներ էին հասցնում նաև հակառակորդի պահեստներին և հրամանատարական կետերին, բայց դա սովորաբար անում էին հենց առաջնագծում կամ դիվերսիաների արդյունքում։
Հրետանային ու հրթիռային համակարգերում վիթխարի առավելությունը Ռուսաստանին թույլ տվեց մեծ ուշադրություն չդարձնել այդ «խայթոցներին»։ Հարձակման մարտավարությունը և գործնականում անսահմանափակ զինամթերքը թույլ են տալիս ռուսական զորքերին աստիճանաբար առաջ շարժվել և դուրս մղել ուկրաինական ուժերին իրենց դիրքերից, հատկապես Կրեմլի առաջնահերթ տարածքներում, ինչպես եղավ Սևերոդոնեցկի և Լիսիչանսկի դեպքում:
Այնուամենայնիվ, միայն ուկրաինացիների կողմից ռուսական զորքերի թիկունքի հենակետերին սիստեմատիկ և ոչ ճշգրիտ հարվածները կարող են կոտրել Կրեմլի հարձակողական եռանդը: Առնվազն նա պետք է արագ վերականգնի և վերակառուցի Ուկրաինայում գտնվող իր զորքերի մատակարարման ուղիները։
Մանրամասները՝ սկզբնաղբյուրում։
Թարգմանեց՝ Աստղ Խաչատրյանը։
