80 հայրենադարձներ սկսել են հայերենի դասընթացները: Դրանք անվճար հիմունքներով կազմակերպվում են Սփյուռքի գլխավոր հանձնակատարի գրասենյակի «Հայրենադարձության և ինտեգրման կենտրոն» ծրագրի շրջանակներում:
Այս մասին տեղեկացնում է հանձնակատարի կայքէջը:
4 խմբերով շաբաթական 3 օր պարբերականությամբ մայրենին բարելավում են 12 երկրներից եկած հայրենադարձներ՝ ԱՄՆ-ից մինչև Հորդանան, Լիբանանից մինչև Արգենտինա, Շվեդիա, Բելառուս, Ուկրաինա և այլն:
Դասընթացները կտևեն 3 ամիս: Ավարտին մասնակիցները կկարողանան առավել արագ ինտեգրվել հայաստանյան կյանքին, աշխատանք գտնել և հաղորդակցվել առօրյայում:
