Սիրիայում իրականացված ամերիկյան գործողության արդյունքում սպանվել է «Իսլամական պետություն» խմբավորման առաջնորդներից Մահեր Ալ-Աղալը։ Այս մասին հաղորդում է Միացյալ Նահանգների պաշտպանության նախարարությունը՝ տեղեկացնելով, որ Ալ-Աղալը և նրա հետ գործողության պահին գտնվող իսլամիստ զինյալը սպանվել են անօդաչու թռչող սարքի հարվածի հետևանքով։
«Գործողության արդյունքում քաղաքացիական անձանց շրջանում տուժածներ չկան», – հաղորդել է Պենտագոնը՝ ընդգծելով, որ Մահեր Ալ-Աղալը «Իսլամական պետության» ամենաազդեցիկ դաշտային հրամանատարների առաջին հնգյակում էր։
«Նրա պատասխանատվության գլխավոր ոլորտը «Իսլամական պետության» Սիրիայի և Իրաքի տարածքից դուրս գտնվող կառույցների զարգացումն էր», – նշում են ամերիկացի զինվորականները։
Աղբյուրը՝ Azatutyun.am
