Անցած շաբաթվա ընթացքում (04-10.07.2022) Վրաստանում գրանցվել է կորոնավիրուսով վարակման 5 154 նոր դեպք։ Առողջացել է 2 338 հիվանդ, իսկ 3 պացիենտ մահացել է։ Այս տեղեկությունը տարածել է Վրաստանի հիվանդությունների վերահսկման ազգային կենտրոնը։
Այս մասին տեղեկանում ենք Aliq.ge-ից։
Ըստ տվյալների՝ վարակվածների մոտ հիմնականում գերակշռում է օմիկրոնի B.A.2 շտամը։
Մեկ շաբաթվա ընթացքում Վրաստանում 63 հազար 659 թեստավորում է կատարվել: Դրականության ցուցանիշը կազմում է 8,1 տոկոս:
2020 թվականի փետրվարի 26-ից, երբ Վրաստանում հաստատվեց կորոնավիրուսով վարակման առաջին դեպքը, թեստավորման միջոցով գրանցվել է 1 մլն 666 հազար 257 դեպք։ COVID-19-ից մահացել է 16 հազար 847 մարդ։
