ԱՄՆ-ի 35-ամյա քաղաքացի Սուեդի Մուրքեզին գերվել է Ուկրաինայում ռուսամետ անջատողականների կողմից, հայտնում է The Guardian-ը՝ հղում անելով գերեվարվածի հարազատներին ու ընկերներին։
Նրանց տվյալներով՝ հունիսին Սուեդի Մուրքեզին ձերբակալվել է ռուսական զորքերի կողմից օկուպացված Խերսոնում։ Նա դադարել է կապի դուրս գալ, երբ հունիսի 8-ին գնացել էր ԱՄՆ պետհամարանիշներով Dodge Challenger-ով բենզին ստանալու: Երկու օր անց Մուրքեզիի ընկերները նրան նկատել են Դոնբասի անջատողականների տարածած տեսանյութում։
Այժմ Մուրքեզին գերության մեջ է Դոնեցկում։ Հուլիսի 7-ին ամերիկացին կապվել է ընտանիքի հետ և հայտնել, որ իրեն կեղծ մեղադրանք են ներկայացրել Խերսոնում ուկրաինամետ ցույցերին մասնակցելու մեջ։ Մուրքեզիի ընկերները վստահեցնում են, որ նա չի գնացել ցույցերի, ինչպես նաև չի մասնակցել ռազմական գործողություններին։
ԱՄՆ Պետդեպարտամենտը հայտնել է, որ տեղյակ է Սուեդի Մուրքեզիի գերեվարման մասին տեղեկություններին, սակայն հրաժարվել է այլ մեկնաբանություններից:
Սուեդի Մուրքեզին ծնվել է Ռուանդայում։ 1994 թվականին, այդ երկրում տեղի ունեցած ցեղասպանության ժամանակ, նրա ընտանիքը տեղափոխվել է ԱՄՆ։ Մուրքեզին ծառայել է ԱՄՆ ռազմաօդային ուժերում։ 2017 թվականից նա սկսեց հաճախակի ճանապարհորդել Ուկրաինա, իսկ 2020 թվականին հաստատվեց Խերսոնում։ Նրա ընկերների խոսքով՝ Մուրքեզին զբաղվում էր կրիպտոարժույթներով և ներդրումներով։
Աղբյուրը՝ Meduza.io
