Լատվիայի Սեյման երրորդ ընթերցմամբ ընդունել է «Էներգետիկայի մասին» օրենքում փոփոխություններ, որոնք արգելում են 2023 թվականի հունվարի 1-ից Ռուսաստանից բնական գազի մատակարարումը:
Փաստաթուղթը նախատեսում է նաև երկրում գազի ռազմավարական պաշարների ստեղծում։ Դրանք պետք է կուտակվեն Ինչուկալնսկի ստորգետնյա գազապահեստարաններում ոչ ուշ, քան յուրաքանչյուր տարվա օգոստոսի 31-ը, որպեսզի ապահովեն սպառումը նույն տարվա հոկտեմբերի 1-ից մինչև հաջորդ տարվա ապրիլի 30-ը։
Լատվիայի կառավարությունը նախաձեռնել է ռուսական գազի մատակարարման փուլային դադարեցում` ի պատասխան Ռուսաստանի Ուկրաինա ներխուժման:
Ապրիլի 1-ից ՌԴ իշխանությունները պահանջում են «ոչ բարեկամ երկրներից», որոնց մեջ մտնում են ՌԴ իշխանությունները, այդ թվում՝ ԵՄ բոլոր երկրները, գազի մատակարարումների դիմաց վճարումները կատարել ռուսական ռուբլով, հակառակ դեպքում գազի արտահանումը կդադարեցվի։ Մոսկվայի այս պայմաններից արդեն հրաժարվել են Լեհաստանը, Բուլղարիան, Ֆինլանդիան և Նիդեռլանդները։
Աղբյուրը՝ Meduza.io
Թարգմանեց՝ Աստղ Խաչատրյանը
