Բելառուսը թույլ է տվել դեֆոլտ արտաքին պարտքի պարտավորություններում, հայտնում է Moody’s միջազգային վարկանիշային գործակալությունը։
Հուլիսի 13-ին լրացավ արտոնյալ ժամկետը, որի ընթացքում երկիրը պետք է վճարեր 22,9 մլն դոլար Բելառուս-27 եվրոպարտատոմսերով։ Բելառուսի ֆինանսների նախարարությունն այս վճարումը կատարել է ազգային արժույթով, ինչի պատճառով պարտատոմսատերերը չեն կարողացել վճարումներ ստանալ։
Հունիսի վերջին Բելառուսի կառավարությունը հայտարարեց, որ երկիրը եվրապարտատոմսերով պարտքի պարտականությունները կկատարի բելառուսական ռուբլով՝ Բելառուսբանկում ունեցած հաշվեհամարին:
Հունիսի 22-ին ՌԴ նախագահ Վլադիմիր Պուտինը հրամանագիր է ստորագրել Ռուսաստանի արտաքին պարտքի ռուբլով վճարումների նոր ժամանակավոր ընթացակարգ սահմանելու մասին։ Հունիսի 27-ին Moody’s-ը հայտնել է եվրապարտատոմսերի գծով Ռուսաստանի դեֆոլտի մասին այն բանից հետո, երբ ռուսական սուվերեն եվրապարտատոմսերի սեփականատերերը չեն կարողացել արժեկտրոնային վճարումներ ստանալ դրանցից երկուսի համար՝ 100 միլիոն դոլար արժողությամբ մինչև 30-օրյա արտոնյալ ժամկետի ավարտը: Մինչ այս ռուսական դեֆոլտի մասին հայտնել էին նաև Bloomberg-ը և The Wall Street Journal-ը։ Նրանց խոսքով՝ Ռուսաստանը 1918 թվականից ի վեր առաջին անգամ չի կատարել իր պարտավորությունները։
ՌԴ ֆինանսների նախարարությունն ի պատասխան նշել է, որ պարտքի գծով բոլոր պարտավորությունները կատարվել են ամբողջությամբ։ Գերատեսչությունը պատճառաբանել է, թե վճարումները չեն հասել միջազգային հաշվարկային և քլիրինգային համակարգերի սեփականատերերին։
Աղբյուրը՝ Meduza.io
