Ռուսաստանի իշխանությունները 2023 թվականին նավթի ազգային էտալոն ստեղծելու ծրագիր են մշակել, գրում է Bloomberg-ը՝ վկայակոչելով համապատասխան փաստաթղթերը, որոնց գործակալությունը կարողացել է ծանոթանալ։
Գործակալությունը նշում է, որ դա թույլ կտա Ռուսաստանին դիմակայել նավթի վրա «գնային առաստաղ» սահմանելու արևմտյան երկրների փորձերին՝ սահմանափակելու ռուսական նավթային եկամուտները։
Մշակված պլանի համաձայն՝ նավթ արդյունահանողները և Ռուսաստանի Դաշնության Կենտրոնական բանկը նախատեսում են հոկտեմբերին սկսել նավթի առևտուրն ազգային հարթակում։ Ռուսաստանը պատրաստվում է դրան ներգրավել օտարերկրյա գործընկերներին՝ 2023 թվականի մարտ-հուլիս ամիսներին ապրանքաշրջանառության ծավալների հասնելու համար, որոնք «բավարար են գների ուղենշային ցուցանիշ սահմանելու համար»։
Էտալոն տեսակի ստեղծման պլանը գտնվում է նախնական փուլում, այդ մասին գործակալությանը հայտնել են ոլորտի աղբյուրները:
