Ան-2 ինքնաթիռը կործանվել է Կրասնոդարի երկրամասում՝ հարվածելով էլեկտրահաղորդման գծերին։ Այս մասին հայտնում է Ռիա-Նովոստին՝ ՌԴ Քննչական կոմիտեի տրանսպորտի հարցերով Արևմտյան միջտարածաշրջանային քննչական վարչության մամուլի ծառայությունից։
Ինքնաթիռը կործանվել է հուլիսի 15-ի երեկոյան Նովոկուբանսկի շրջանի Պրոչնոոկոպսկայա գյուղի մոտ վայրէջք կատարելիս։ Տարածաշրջանի ԱԻՆ-ից հայտնում են, որ վայր ընկնելուց հետո հրդեհ չի եղել։ Հետաքննության տվյալներով՝ Ան-2-ի օդաչուն և ուղեւորը մահացել են ստացած վնասվածքներից։
Քննչական կոմիտեն քրեական գործ է հարուցել երթևեկության անվտանգության և օդային տրանսպորտի շահագործման կանոնները խախտելու դեպքի առթիվ (ՌԴ Քրեական օրենսգրքի 263-րդ հոդվածի 3-րդ մաս): Արտակարգ իրավիճակների ծառայության ՏԱՍՍ-ի աղբյուրը հայտնել է, որ օդաչուի սխալը համարվում է ավիավթարի վարկածներից մեկը։
Աղբյուրը՝ Meduza.io
Թարգմանեց՝ Աստղ Խաչատրյանը
