«Հանրապետություն» կուսակցությունն անդրադարձել է Ադրբեջանում ՌԴ դեսպանի Շուշի կատարած այցին։ Ստորև ներկայացնում ենք հայտարարությունը։
«Ադրբեջանում ՌԴ դեսպանի Շուշի կատարած այցը հաստատում է, որ ՌԴ-ն ոչ միայն ԵԱՀԿ Մինսկի խմբի միջնորդությամբ Արցախի խնդրի կարգավորմանն է դեմ, այլև արդարացնում է 2020-ի ադրբեջանաթուրքական ագրեսիան, լեգիտիմացնում հետևանքները և դրսևորում իրեն տարածաշրջանում ոչ թե որպես անկողմնակալ միջնորդ, այլ՝ Ադրբեջանի և Թուրքիայի գործընկեր։
«Հանրապետություն» կուսակցությունը դատապարտում է նման երևույթները և Հայաստանի Հանրապետության ու Արցախի Հանրապետության ԱԳՆ-ներին հորդորում է համարժեք և կոշտ արձագանքել՝ մեր շահերին հակադիր նման բոլոր դրսևորումների պարագայում»։
