Կանադան Գերմանիա է ուղարկել վերանորոգված Siemens տուրբինը, որն օգտագործվում էր «Հյուսիսային հոսք 1-ով» գազ մատակարարելու համար: Այս մասին գրում է «Կոմերսանտ»-ը՝ վկայակոչելով աղբյուրներ։
Հրատարակության տվյալներով՝ տուրբինն ինքնաթիռով ուղարկվել է հուլիսի 17-ին։ Գերմանիայից նրան լաստանավով կտեղափոխեն Հելսինկի, այնտեղից՝ Ռուսաստան։ Մոտավորապես այն Պորտովայայի կոմպրեսորային կայան կհասնի հուլիսի 24-ին, իսկ շահագործման հանձնելը կպահանջի ևս մի քանի օր։
Այսպիսով, գրում է «Կոմերսանտը», տուրբինը պետք է պատրաստ լինի օգոստոսի սկզբին «Հյուսիսային հոսքով» գազ մատակարարելու համար։
«Հյուսիսային հոսքը» Եվրոպա ռուսական գազի մատակարարման հիմնական ուղին է, որը մնացել է ուկրաինական պատերազմի սկսվելուց հետո։ Հունիսի 16-ից «Գազպրոմը» կրճատել է իր վրա մատակարարումները մինչև անվանական հզորության 40 տոկոսը՝ պատճառաբանելով պատժամիջոցների պատճառով Կանադայից վերանորոգումից տուրբինը վերադարձնելու անհնարինությունը։ Դրանից հետո Գերմանիան դիմել է Կանադայի իշխանություններին՝ բացառության կարգով տուրբինը վերադարձնելու խնդրանքով։
Հուլիսի 11-ից հուլիսի 21-ը «Հյուսիսային հոսքի»-ի միջոցով մատակարարումները պաշտոնապես դադարեցվել են պլանային վերանորոգման պատճառով։ Եվրոպական իշխանությունները մտավախություն ունեն, որ Ռուսաստանը կարող է հրաժարվել վերսկսել մատակարարումները՝ փաստացիորեն դիմելով շանտաժի՝ պատժամիջոցները չեղարկելու համար։ Մոսկվան կտրականապես հերքում է դա։
Աղբյուրը՝ Meduza.io
Թարգմանեց՝ Աստղ Խաչատրյանը
