ԵՄ իշխանությունները մտադիր են անդամ երկրներին առաջարկել համաձայնագիր, որը ենթադրում է հաջորդ ամսից գազի սպառման կամավոր կրճատում 15%-ով։ Այս մասին հայտնում է Bloomberg-ը՝ հղում անելով աղբյուրներին։
Գործակալությունն այս որոշման պատճառ է համարում ԵՄ-ի մտավախությունները՝ կապված Ռուսաստանից գազի մատակարարումների հնարավոր ամբողջական դադարեցման հետ։ Կամավոր սահմանափակումներ կարող են ներառվել «Сохрани газ для безопасной зимы» էներգիայի պահանջարկի կրճատման ծրագրում ուղեկցող կանոնակարգում:
Եվրահանձնաժողովը պատրաստվում է այս ծրագիրը հրապարակել հուլիսի 20-ին։ Այն կներառի առաջարկություններ ջեռուցման և հովացման համար էներգիայի ծախսերը նվազեցնելու, ինչպես նաև գազի խնայողության շուկայական միջոցառումների վերաբերյալ: Ինչպես ավելի վաղ հայտնել էր իսպանական El Pais թերթը, ծրագրով առաջարկվում է հասարակական շենքերում ջեռուցումը սահմանափակել մինչև 19 աստիճան, իսկ օդորակումը մինչև 25 աստիճան:
Ինչպես նշում է Bloomberg-ը, ԵՄ իշխանությունները ցանկանում են նաև ապահովել անդամ երկրներին գազի սպառումը նվազեցնելու պարտավորության իրավունքը, եթե կամավոր սահմանափակումները բավարար չեն։ Այս միջոցը պետք է հաստատվի դաշինքի անդամների կողմից, որոնց մեծ մասը դեմ է հարկադրական սահմանափակումներին:
