Ռուսաստանի կառավարությունը ոչ-բարեկամական երկրներին ցանկում ավելացրել է Հունաստանը, Դանիան, Սլովենիան, Խորվաթիան և Սլովակիան՝ ցանկում ընդգրկված երկրների թիվը հասցնելով 48-ի։
Կառավարության նոր որոշումը հինգ երկրների համար սահմանափակում է Ռուսաստանում դիվանագիտական ներկայացուցչություններում աշխատողներ ընդունելու հնարավորությունը։ Օրինակ՝ Սլովենիան և Խորվաթիան այլևս չեն կարողանա մարդկանց աշխատանքի ընդունել Ռուսաստանում դեսպանատներում կամ հյուպատոսարաններում աշխատելու համար։
Մարտի 5-ին Ռուսաստանի կառավարությունը հաստատել է ոչ-բարեկամական երկրների և տարածքների ցուցակը։ Կառավարության որոշմամբ՝ Ռուսաստանը, Ռուսաստանի քաղաքացիները կամ ռուսական ընկերությունները կարող են այդ երկրներին վճարել իրենց վարկային պարտավորությունները ռուբլով։ Մասնավորապես Եվրամիության բոլոր երկրներն ընկան այս կարգի տակ։
