Ամերիկյան Imagine Dragons խումբը դարձել է United24 նվիրատվության հարթակի դեսպանը Ուկրաինայի համար։ Այս մասին հուլիսի 22-ի երեկոյան հայտարարել է Ուկրաինայի նախագահ Վլադիմիր Զելենսկին՝ թիմի անդամների հետ տեսակոնֆերանսից հետո։
Զելենսկու խոսքով՝ երաժիշտները կներգրավվեն բժշկական օգնության ուղղությամբ և «նրանց առաջին նախագիծը կլինի շտապօգնության մեքենաների համար միջոցներ հավաքելը»։
Imagine Dragons-ը սոցցանցերում հայտարարել է, որ իրենց համար պատիվ էր զրուցել Զելենսկու հետ և կոչ է արել միանալ դրամահավաքին: «Մեզ համար, ովքեր ապրում ենք խաղաղության և ապահովության մեջ, չափազանց հեշտ է մոռանալ այս ողբերգությունը, որում մարդիկ արթնանում են ամեն օր», – ասել են նրանք:
Ուկրաինայի իշխանությունները մայիսին գործարկել են United24 նվիրատվության հարթակը։ Դրա միջոցով գումար է հավաքվում պաշտպանության և ականազերծման, մարդասիրական և բժշկական օգնության, ինչպես նաև երկրի վերականգնման համար։ United24-ի միջոցով ուղարկված գումարները գնում են Ուկրաինայի ազգային բանկի հաշիվներին:
Աղբյուրը՝ Meduza.io
Թարգմանեց՝ Աստղ Խաչատրյանը
