Գյումրու քաղաքապետարանը պատրաստվում է հուլիսի 24-ի Վարդավառի: Այդ օրը քաղաքում կանցկացվեն մի շարք միջոցառումներ: Տոնն ըստ պատշաճի անցկացնելու համար դատարկվում, մաքրվում և կրկին ջրալցվում են «Մուշ» թաղամասի, Թատերական հրապարակի, Բագրատունյաց օղակի և Վարդանանց հրապարակի լողավազանները:
Գյումրու համայնքապետարանից տեղեկացրին, որ միջոցառումների մեկնարկը կտրվի Թատերական հրապարակում ժամը 09:00-ից՝ արձանների լվացմամբ: Միջոցառումներն այնուհետ կշարունակվեն Գյումրու Վարդանանց հրապարակում, որտեղ մինչև 7 տարեկան երեխաների համար առանձնացված հատված կլինի:
Անցկացվելիք միջոցառումներով պայմանավորված՝ հուլիսի 24-ին ժամը 08:00-16:00-ն բոլոր տրանսպորտային միջոցների համար փակ կլինի Վարդանանց հրապարակը:
Հրապարակում ջուր կմատակարարեն քաղաքապետարանի ջրցան մեքենաները, գործընթացը կվերահսկվի համապատասխան կառույցների կողմից:
