Երևան-Սևան ավտոճանապարհով ընթանալիս կինն ընկել է ամուսնու վարած ՈւԱԶ-ից

Կոտայքի մարզում կինը վայր է ընկել ամուսնու վարած ՈՒԱԶ-ից։ Տեղեկությունը հայտնում է Shamshyan.com–ը։

Նշվում է, որ երեկ՝ ժամը 07։00-ի սահմաններում Կոտայքի մարզի բնակիչ 44-ամյա Էդգար Կ-ն ՈւԱԶ մակնիշի ավտոմեքենայով Երևան-Սևան ավտոճանապարհով ընթացել է, երբ բացվել է աջ կողմի առջևի դուռը, ինչի հետևանքով ուղևորը վայր է ընկել։ Կինը մարմնակամն վնասվածքներով տեղափոխվել է «Հրազդան» ԲԿ, որտեղից էլ տեղափոխվել է Երևանի «Սուրբ Գրիգոր Լուսավորիչ» ԲԿ։

Ոստիկանները պարզել են, որ վիրավորը վարորդի կինն է` Կոտայքի մարզի բնակիչ 41-ամյա Արմինե Հ-ն։

Ավտոմեքենան քննիչի հանձնարարականով տեղափոխվել է ոստիկանության Հրազդանի բաժնի պահպանվող հատուկ տարածք։