2024 թվականին Փարիզում կայանալիք ամառային օլիմպիական խաղերի կարգախոսն արդեն հատնի է: Այն է՝ «Խաղերը լայնորեն բացենք» (Let’s open the games wide)։
«ՏԱՍՍ» գործակալության փոխանցմամբ՝ այս մասին հայտնել է Փարիզի Օլիմպիական խաղերի կազմկոմիտեի մամուլի ծառայությունը։
Հաղորդվում է, որ այս կարգախոսը կօգտագործվի նաև 2024 թվականի Պարալիմպիկ խաղեր ժամանակ:
Փարիզի ամառային օլիմպիական խաղերը կանցկացվեն 2024 թվականի հուլիսի 26-ից օգոստոսի 11-ը։ Պարալիմպիկ խաղերը Փարիզում կանցկացվեն 2024 թվականի օգոստոսի 28-ից սեպտեմբերի 8-ը։
