Մետրոպոլիտենի տնօրինության և աշխատանքի դուրս չեկած մեքենավարների միջև բանակցությունների արդյունքում՝ ժամը 09:30-ից մետրոպոլիտենի բնականոն աշխատանքը վերականգնվել է։ Այս մասին տեղեկացնում են Երևանի մետրոպոլիտենից:
«Հայցում ենք ուղևորների ներողամտությունը»,- ասված է հաղորդագրության մեջ։
Ավելի վաղ հայտնել էինք, որ Կարեն Դեմիրճյանի անվան Երևանի մետրոպոլիտենի բոլոր կայարանների դռները փակ էին։
Մեքենայավարներն առավոտյան ժամը 06:00-ից գործադուլ են սկսել՝պահանջելով աշխատավարձի բարձրացում։
