Թիվ 1 ստուդիան հյուրընկալել է «Հանուն հանրապետության» կուսակցության նախագահ Արման Բաբաջանյանին։
Պարոն Բաբաջանյանը նշեց՝ Ռուսաստանի օրակարգը տարածաշրջանում այլևս ռուս-թուրքական է՝ համաձայնեցված Թուրքիայի հետ։ Ջանք է պետք թափել, թույլ չտալ ոչ մի դեպքում, որպեսզի ուժի սպառնալիքը, և կամ ուժի գործադրոումը որևէ կերպ առավելություն չունենա քաղաքական կարգավորման նկատմամբ։
Նա նաև հավելեց, որ Ռուսաստանը Հայաստանի «նոմինալ» ռազմավարական դաշնակիցն է։ Մեր տարածաշրջանում Ռուսաստանը այլևս երբեք հանդես չի գալիս սեփական արտաքին քաղաքական օրակարգով, այդ օրակարգը ռուս-թուրքական օրակարգ է՝ Թուրքիայի հետ համաձայնեցված և Թուրքիայի շահերը նկատի առնված քաղաքակնություն։
«Իսկ մենք առհասարակ քաղաքականության միջնաժամկետ, կարճաժամկետ և երկարաժամկետ պլանավորում ունե՞նք, թե՞ ոչ․ որովհետև, եթե մենք հայ-իրանական սահմանի ճակատագիրը թողնում ենք բացառապես իրանական կողմի բարեհաճությանը, չի բացառվում, որ և՛ Թուրքիան, և՛ Ադրբեջանը շատ բարձր գին կարողանան վճարել Իրանին, և Իրանը իր համար այդ կարմիր գիծ կոչված սահմանումը վերատեսության ենթարկի։
Իմ խորին համոզմամբ առանց Հայաստան մեր հայ լինելը արժեք չունի, հետևաբար մենք ջանք և եռանդ չպետք է խնայենք, որպեսզի ամեն գնով պաշտպանենք մեր երկրի ինքնիշխանությունը»,- եզրափակեց նա։
