H&M-ը վաճառքի է հանում իր բիզնեսը Ռուսաստանում

H&M-ը պոտենցիալ գնորդներին առաջարկում է երկարաժամկետ վարձակալության իրավունքներ ձեռք բերել Ռուսաստանի 65 քաղաքների 170 խանութների համար,

բաշխիչ կենտրոն՝ 57,7 հազար քառ մետրով, ինչպես նաև 210 մլն դոլար ընդհանուր արժեքով գույքագրում։

Շուկայի մասնակիցները ենթադրում էին, որ H&M-ը չի կարողանա իր ողջ ակտիվները վաճառել մեկ գնորդի, մասնավորապես, այն պատճառով, որ ընկերությունը հրաժարվել է իր արտադրանքը մատակարարել Ռուսաստանին։ «Ամենայն հավանականությամբ, ընկերությունը կվաճառի բաժնետոմսերը և աստիճանաբար կվաճառի վարձակալության իրավունքները խմբաքանակով», – ասաց Peregrine Capital-ի գործադիր տնօրեն Դմիտրի Գաբիշևը:

Ըստ «Կոմերսանտի» աղբյուրի, ռուսական խոշորագույն նորաձևության մանրածախ վաճառողները՝ Melon Fashion Group-ը (ավելի քան 840 խանութ Zarina, Befree, Love Republic և Sela ապրանքանիշերով), Sportmaster խումբը (ավելի քան 600 վաճառակետ), առաջարկներ են ստացել գնել ռուսական H&M-ի բիզնեսը։ Ընկերությունները չեն հաստատել այս տեղեկությունը։

Մարտի սկզբին H&M-ը դադարեցրեց վաճառքը Ռուսաստանում։ Հուլիսին ապրանքանիշը հայտարարեց ռուսական շուկայից ամբողջական դուրս գալու մասին։ Ընկերությունն այս որոշումը բացատրել է գործառնական խնդիրներով և «անկանխատեսելի ապագայով»։

Օգոստոսին ցանցը նախատեսում է ժամանակավորապես բացել իր H&M և H&M Home կետերը։ Ապրանքներ հնարավոր կլինի գնել միայն այնտեղ՝ ընկերության առցանց խանութը չի վերսկսի աշխատանքը։ Բոլոր ապրանքները կվաճառվեն ամբողջ գնով։

Աղբյուրը՝ snob.ru