«Մեկ Հայաստան» ցենտրիստական կուսակցության ղեկավար Արթուր Ղազինյանը ներկայացրել է հաղորդում հանցագործության վերաբերյալ. ««BBC ռուսական ծառայության կողմից երեկ հրապարակված նյութին լուրջ չեմ վերաբերվում հենց միայն այն պատճառով, որ այդպիսի բան նույնիսկ տեսականորեն չէր կարող լինել, հետևաբար հարկ չեմ համարում անդրադառնալ այս հոդվածում տեղ գտած ցնորամիտ դատողություններին, առավել ևս վերլուծել դրանք: Սակայն ինձ այս նյութի հետ կապված հետաքրքրում է մեկ այլ հանգամանք, որը հիմնված է հետևյալ նախադասության վրա, որը իր մեջ պարունակում է հանցակազմի հատկանիշներ: «Би-би-си получила эксклюзивный доступ к документам расследования одного из самых трагических событий в современной истории Армении: гибели 10 человек в Ереване во время протестов 1 марта 2008 года»: Ի՞նչ է սա . . .
Ինչպե՞ս է կարողացել օտարերկրյա լրատվամիջոցը «էքսկլյուզիվ» մուտք ունենալ նախաքննության նյութերին: Ո՞վ է նրան տվել այդ հնարավորությունը: ՀՔԾ-ն պետք է անհապաղ հայտարարություն տարածի և, կ՛ամ հերքի այս պնդումը և մեղադրի BBC ռուսական ծառայությանը ստի մեջ, կ՛ամ էլ հաստատի, որ ինքն է տրամադրել նախաքննության նյութերը:
Ավելին՝ .aravot.am
