Եվրամիության վիզային կանոնները թույլ չեն տալիս ամբողջությամբ դադարեցնել վիզաների տրամադրումը կոնկրետ երկրի քաղաքացիներին։ Այս մասին ասվում է Եվրահանձնաժողովի պատասխանում ֆիննական խոշորագույն Helsingin Sanomat թերթի հարցման մեջ, որը պաշտոնյաներին հարցրել է՝ հնարավո՞ր է ընդհանրապես արգելել ռուսներին զբոսաշրջային վիզաների տրամադրումը։
«Միշտ կան մարդկանց խմբեր, որոնց պետք է վիզա տալ։ Դրանք հումանիտար դեպքեր են, [Եվրամիության քաղաքացիների] ընտանիքի անդամներ, լրագրողներ և այլախոհներ», – ասել է հանձնաժողովը։
Եվրահանձնաժողովն ընդգծել է, որ Բրյուսելի պատժամիջոցներն ուղղված են ոչ թե սովորական ռուսների դեմ, այլ «առաջին հերթին» Ռուսաստանի կառավարության և ռուսական էլիտայի դեմ՝ Ուկրաինայում պատերազմի ֆինանսավորումը կանխելու համար։
Գրասենյակը հիշեցրել է, որ ԵՄ երկիրը, վիզային օրենսգրքի սկզբունքներին համապատասխան, կարող է հրաժարվել վիզայից, եթե դիմողը վտանգ է ներկայացնում հասարակական կարգի, ազգային անվտանգության կամ միջազգային հարաբերությունների համար։
Ավելի վաղ Ֆինլանդիայի առաջատար կուսակցությունները, ուկրաինական պատերազմի պատճառով, կոչ էին արել դադարեցնել Ռուսաստանի քաղաքացիներին տուրիստական վիզաների տրամադրումը։ Միևնույն ժամանակ, Եվրոպական հարցերի և գույքի կառավարման նախարար Տիտտի Թուպուրայնենն ասել է, որ երկիրը չի համաձայնի դրան, քանի որ այս հարցը պետք է լուծվի ԵՄ մակարդակով։
2022 թվականի գարնանը Էստոնիան, Լատվիան, Լիտվան և Չեխիան դադարեցրել են ռուսաստանցիներին զբոսաշրջային վիզաների տրամադրումը Ուկրաինայի պատերազմի պատճառով։ Բայց նրանք կարող են ազատորեն մուտք գործել այս երկրներ Շենգենյան ցանկացած այլ վիզայով:
ՌԴ ԱԳՆ-ն խոստովանել է, որ ռուսները կարող են դադարեցնել շենգենյան վիզաների տրամադրումը։ Ռուսաստանի Դաշնության նախագահի մամուլի քարտուղար Դմիտրի Պեսկովը Ֆինլանդիային սպառնացել է «արձագանքով», եթե դադարեցվի ՌԴ քաղաքացիներին վիզաների տրամադրումը։
Աղբյուրը՝ Meduza.io
Թարգմանեց՝ Աստղ Խաչատրյանը
