Այսօր հեռախոսազրույց են ունեցել ԱՄՆ նախագահ Ջո Բայդենը և Չինաստանի նախագահ Սի Ծինփինը: Նրանց հեռախոսազրույցը տևել է ավելի քան երկու ժամ: Այս մասին հայտնել են Սպիտակ տնից:
ԱՄՆ նախագահի վարչակազմի ներկայացուցիչը նշել է. ՛՛Բայդենն ավարտել է Սի Ծինփինի հետ հեռախոսազրույցը: Նախագահները շփվել են 2 ժամ 17 րոպե՛՛:
Ավելի վաղ Սպիտակ տան Ազգային անվտանգության խորհրդում ռազմավարական հաղորդակցությունների հարցերով համակարգող Ջոն Քիրբին հայտնել էր, որ հեռախոսազրույցի ընթացքում ԱՄՆ նախագահը կհաստատի, որ Վաշինգտոնը հավատարիմ է ՛՛Մեկ Չինաստան՛՛ սկզբունքին:
