Կոլումբիան և Վենեսուելան կնշանակեն նոր դեսպաններ իրենց համապատասխան մայրաքաղաքներում, երբ Կոլումբիայի նորընտիր նախագահ Գուստավո Պետրը ստանձնի պաշտոնը հաջորդ ամիս, հայտարարել են իշխանությունները՝ փորձելով վերականգնել դիվանագիտական հարաբերությունները տարիներ շարունակ լարվածությունից հետո:
Որոշումը հինգշաբթի օրը համատեղ հռչակագրում հրապարակել են Վենեսուելայի արտաքին գործերի նախարար Կառլոս Ֆարիան և Կոլումբիայի ԱԳ նախարար Ալվարո Լեյվան՝ սահմանամերձ Սան Կրիստոբալ քաղաքում հանդիպումից հետո։
Լեյվան ընթերցել է հայտարարությունը, որում ասվում է, որ երկուսն էլ «հայտնել են իրենց ցանկությունն օգոստոսի 7-ից առաջադիմելու աշխատանքային օրակարգում երկկողմ հարաբերությունների աստիճանական կարգավորման ուղղությամբ՝ նշելով դեսպանների և դիվանագիտական և հյուպատոսական պաշտոնյաների անունները»:
Նրանք նաև վերահաստատել են «իրենց պատրաստակամությունը՝ համատեղ ջանքեր գործադրելու մեր երկու երկրների սահմանին անվտանգությունն ու խաղաղությունը երաշխավորելու համար», – հավելել է նա։
Մանրամասները՝ սկզբնաղբյուրում
Թարգմանեց՝ Աստղ Խաչատրյանը
