Անգոլայի Լուլո ադամանդի հանքավայրում վարդագույն ադամանդ է հայտնաբերվել. փորձագետները նշում են, որ դա վերջին 300 տարվա ընթացքում ամենամեծ նման գտածոնն է: Այս մասին հայտարարել է Lucapa Diamond Company ընկերությունը, որը շահագործում է Լուլոյի ալյուվիալ հանքը։ 170 կարատ (մոտ 34 գրամ) կշռող վարդագույն ադամանդը ստացել է «Վարդ Լուլո» անունը։
«10,000 ադամանդից միայն մեկն է վարդագույն գույնի: Ուստի դուք տեսնում եք հազվագյուտ իր, երբ գտնում եք շատ մեծ վարդագույն ադամանդ», – ասում է Lucapa-ի գործադիր տնօրեն Սթիվեն Ուեզերալը: Իսկ Անգոլայի հանքային պաշարների, նավթի և գազի նախարար Դիամանտինո Ազևեդոն հայտնաբերված ադամանդը «ռեկորդային և տպավորիչ» է անվանել։
Իրականում սա, իհարկե, ռեկորդային չէ։ Lulo վարդը միայն հինգերորդ ամենամեծ ադամանդն է, որը հայտնաբերվել է հանքում: Ընդհանուր առմամբ, Լուլոյում հանքի գործարկման սկզբից այնտեղ հայտնաբերվել է ավելի քան 100 կարատ կշռող 27 քար։ Այնուամենայնիվ, վերջին անգամ այս չափի, ինչպես նաև նման անսովոր գույնով գտածո աշխարհում հայտնաբերվել է առնվազն երեք հարյուր տարի առաջ:
«Ռոզա Լուլո»-ն արդեն վաճառքի է հանվել ադամանդի շուկայավարման Անգոլայի պետական Sodiam ընկերության միջազգային մրցույթով։
Աղբյուրը՝ vesti.ua
Թարգմանեց՝ Աստղ Խաչատրյանը
