Պատանի հայ շախմատիստները Փոթիի մրցաշարի մրցանակակիր են դարձել. Հայրապետյան

«Պատանի հայ շախմատիստների հաջողությունները

Բարձրագույն վարպետության մարզադպրոցի սաները Փոթիի մրցաշարի մրցանակակիր են դարձել: «Նանա Ալեքսանդրիայի գավաթ – 2022» շախմատի 15-րդ միջազգային փառատոնին գերազանց ելույթ ունեցավ Գաբրիելա Հարությունյանը (մարզիչ՝ Գ. Ալավերդյան): Նա, 9 խաղից վաստակելով 8.5 միավոր, միանձնյա զբաղեցրեց առաջին հորիզոնականը մինչև 10տ. աղջիկների մրցապայքարում:

Հրաշալի հանդես եկավ նաև մեր դպրոցի մյուս սանը՝ Մանվել Առաքելյանը (մարզիչ՝ Վ. Բաղդասարյան), որը մինչև 12տ. տղաների պայքարում նվաճեց առաջին մրցանակը: Մինչև 10տ. տղաների պայքարում երկրորդ մրցանակին արժանացավ Գոռ Դաբաղյանը (մարզիչ՝ Յ. Համբարձումյան):

Իրենց բարձր վարպետությունը հաստատեցին և մրցանակային տեղեր նվաճեցին մեր մարզադպրոցի մարզիչներ Սիմոն Մկրչտյանը և Գևորգ Ալավերդյանը:

Կարևոր է ընդգծել, որ Բարձրագույն վարպետության մարզադպրոցի ջանքերով պատանի շախմատիստները ապագայում ևս կմասնակցեն տարատեսակ միջազգային մրցաշարերի»,- գրել է «Իմ քայլը» հիմնադրամի գործադիր տնօրեն Մխիթար Հայրապետյանը։