Հյուսիսային կիսագնդում անսովոր շոգ ամառը հանգեցրել է մի շարք անհանգստացնող հետևանքների, այդ թվում՝ Գրենլանդիայի սառույցի շատ արագ հալմանը: Ընդամենը երեք օրվա ընթացքում կղզուց օվկիանոս է մտել 18 խորանարդ կիլոմետր հալված ջուր։
Ժամանակը, որում մենք ապրում ենք՝ Հոլոցենը, սառցե դարաշրջանների, այսինքն՝ միջսառցադաշտերի միջև ընկած ժամանակահատվածն է: Վերջին մայրցամաքային սառցադաշտն ավարտվել է գրեթե 12 հազար տարի առաջ, սակայն սառույցի և ձյան մեծ կուտակումներն այն ժամանակ ամբողջությամբ չեն անհետացել։ Այժմ դրանցից ամենամեծը կոչվում է երկու սառցե թաղանթ՝ անտարկտիկականը, որը զբաղեցնում է ամբողջ մայրցամաքը, և Գրենլանդիայի վահանը՝ զանգվածով առաջինից մոտ ութ անգամ փոքր, բայց դեռևս հսկայական։
Գրենլանդիան մոլորակի ամենամեծ կղզին է, որը գտնվում է Հյուսիսային Ատլանտյան օվկիանոսում, Ամերիկայի ափերի մոտ։ Այն գրեթե ամբողջությամբ պատված է մոտ մեկուկես կիլոմետր հաստությամբ սառույցով, որը մեծ ուժով ճնշում է կղզու մակերեսին։ Այս սառցե շերտը հարավից հյուսիս ձգվում է 2900 կիլոմետր, իսկ առավելագույն լայնությունը արևմուտքից արևելք կազմում է մոտ 1100 կիլոմետր։
Աղբյուրը՝ naked-science.ru
Թարգմանեց՝ Աստղ Խաչատրյանը
