Դերասան Ուիլ Սմիթը ուրբաթ օրը YouTube-ում տեսանյութ է հրապարակել՝ ներողություն խնդրելով հաղորդավար Քրիս Ռոքից՝ այս տարվա Օսկար մրցանակաբաշխության արարողության ուղիղ հեռարձակման ժամանակ նրան ապտակելու համար:
Սմիթը արժանացավ «Լավագույն դերասան» Օսկարին՝ «Ռիչարդ թագավոր» ֆիլմում իր գլխավոր դերի համար: Սակայն օրեր անց նա հեռացվեց Կինոարվեստի և գիտության ակադեմիայից, որն այնուհետև 10 տարով արգելեց նրան մասնակցել իր միջոցառումներին:
«Քրիս, ես ներողություն եմ խնդրում քեզնից: Իմ պահվածքն անընդունելի էր, և ես այստեղ եմ, երբ դու պատրաստ լինես խոսելու», – ուրբաթ ասել է Սմիթը զգացմունքային տեսահոլովակում։
