Ջոնի Դեփի 780 նկարներից բաղկացած «Ընկերներ և հերոսներ» դեբյուտային հավաքածուն մի քանի ժամվա ընթացքում սպառվել է: Աշխատանքները պատկերում էին դերասանին ոգեշնչող մարդկանց՝ երաժիշտ Բոբ Դիլանին, դերասան Ալ Պաչինոյին, դերասանուհի Էլիզաբեթ Թեյլորին և The Rolling Stones-ի կիթառահար Քիթ Ռիչարդսին։
Ամերիկացի դերասան Ջոնի Դեփը բրիտանական Castle Fine Art առցանց պատկերասրահի միջոցով մի քանի ժամում վաճառել է իր դեբյուտային «Friends And Heroes» հավաքածուի բոլոր նկարները 3,65 միլիոն դոլարով։ Այս մասին հայտնում է Sky News հեռուստաալիքը։
Հեռուստաալիքի տվյալներով՝ Ջոնի Դեփի նկարի մեկ վերարտադրության արժեքը կազմել է մոտ 4800 դոլար, իսկ չորս աշխատանքների հավաքածուն կարելի էր գնել գրեթե 18100 դոլարով։
«Ջոնիի դեբյուտային հավաքածուի յուրաքանչյուր պատկեր ուներ իր ֆոտոտեղեկանքը, որը նկարիչը մշակել և լրացրել է իրեն բնորոշ ազատ ձեռքի հարվածների օգնությամբ։ Ջոնիի արվեստը գոյություն ունի փոփ-արտի և փողոցային արվեստի խաչմերուկում: Արդյունքը եղավ մի շարք խորհրդանշական մեդիա դիմանկարների տպագրություններ, որոնք դուրս էին գալիս փոփ արվեստի անդեմ գրաֆիկական պարզությունից: Սա փոփ արվեստ է զգացողությամբ»,- ասվում է հավաքածուի նկարագրության մեջ առցանց պատկերասրահի կայքում։
Աղբյուրը՝ forbes.ru
Թարգմանեց՝ Աստղ Խաչատրյանը
