Կոսովոն մեկ ամսով հետաձգեց Սերբիայի քաղաքացիների համար մուտքի նոր կանոնների ներդրումը

Կոսովոյի իշխանությունները մեկ ամսով հետաձգել են Սերբիայի քաղաքացիների համար մուտքի նոր կանոնների ներդրումը, որոնց մասին Պրիշտինայի իշխանությունները հայտարարել էին հուլիսի 29-ին։ Այս որոշման դեմ բողոքի ակցիներ էին կազմակերպել:

Ոստիկանությունը հայտնել է իր ստորաբաժանումների ուղղությամբ կրակոցների մասին: «Բարեբախտաբար, տուժածներ չկան», ասվում է հաղորդագորությունում։

Նախատեսվում էր, որ օգոստոսի 1-ից Սերբիայից անձը հաստատող փաստաթղթով Կոսովո մուտք գործել ցանկացող քաղաքացիները պետք է երեք ամիս ժամկետով երկրից մուտքի և ելքի համար հատուկ փաստաթուղթ ստանան։ Այդ հավաստագիրը կտրվի ցամաքային սահմանը հատելիս, ինչպես նաև օդանավակայանում։

Բացի այդ, սերբիական պետհամարանիշներով մեքենաների վարորդները պետք է վերագրանցեն դրանք՝ երկիր մուտք գործելու համար։

Նոր սահմանափակումները հիմնականում պետք է ազդեն Կոսովոյի հյուսիսում գտնվող Միտրովիցա քաղաքի բնակիչների վրա, որտեղ հիմնականում էթնիկ սերբեր են ապրում:

Սերբիան չի ճանաչում Կոսովոյի անկախությունը:

Աղբյուրը՝ Azatutyun.am