Չեխիայի և Գերմանիայի սահմանին անտառային հրդեհ է, որը բռնկվել է օրեր առաջ, դեռ ամբողջությամբ չի մարվել։
Այս մասին գրում է Եվրանյուզը՝ նշելով, որ ավելի քան հազար հեկտար անտառ է տուժել միայն «Չեխական Շվեյցարիա» ազգային պարկի տարածքում։
Հրշեջների խոսքով, այժմ լավատեսության հիմք կա. որոշ վայրերում նրանք կարողացել են դիմակայել հրդեհին, և տեղի քաղաքներից մեկի մոտ 500 բնակիչներ, որոնք ստիպված են եղել տարհանվել, ստացել են իրենց տները վերադառնալու թույլտվություն:
«Մենք ներգրավել ենք բոլոր առկա հակահրդեհային ավիացիոն տեխնիկան, մարմանը մասնակցել է 6 ուղղաթիռ և 5 ինքնաթիռ։ Առավոտից դրանք օդում են։ Բոլոր ուժերը, որոնք ունենք, ներգրավված են աշխատանքին»,- ասել է Չեխիայի հրշեջ ծառայության ներկայացուցիչը։
Նրա խոսքով, անտառային հրդեհի մարման աշխատանքներին ներգրավվել է 750 հրշեջ։ Նրանց թվում կան տուժածներ։
Գերմանիայի մոտակայքում գտնվող «Սաքսոնական Շվեյցարիա» ազգային պարկից ոչ հեռու անտառային հրդեհը չի մարում։ Հրշեջները հայտնել են բազմաթիվ նոր հրդեհների մասին։
