ՀՀ սննդամթերքի անվտանգության տեսչական մարմնի Երևանի կենտրոնի տեսուչները վերահսկողական միջոցառումներ են անցկացրել «Վենդինգ» ՍՊԸ-ին պատկանող (Երևան, Հանրապետության Հրապարակ 4) հանրային սննդի օբյեկտում:
Պարզվել է, որ այս կազամակերպությունում խախտվել են իրավական ակտերով սահմանված սանիտարահիգիենիկ նորմերը:
Երևանում գործող կազմակերպությունում արտադրական, առևտրի, օժանդակ, կենցաղային սենքերը չեն պահվել մաքուր և նորոգ վիճակում, չեն ունեցել խոնավ մաքրման և ախտահանման հնարավորություն, պատերը և առաստաղն ունեն վերանորոգման կարիք:
Հանրային սննդի նշված օբյեկտի գործունեությունը կասեցվել է, սահմանվել են խախտումները վերացնելու ժամկետներ։
Հիշեցնենք, որ Թիվ 1-ը ռեպորտաժով անդրադարձել էր «Վենդինգ» ՍՊԸ-ին պատկանող (Երևան, Հանրապետության Հրապարակ 4) հանրային սննդի օբյեկտի ապօրինի գործունեությանը՝ հրավիրելով պատկան մարմինները ուշադրությունը։
