Մոսկվայի իշխանությունները որոշել են առաջիկա շաբաթ օրը Գորկու անվան այգում երաժշտա-գաստրոնոմիական փառատոն կազմակերպել՝ Ռուսաստանի առաջատար աստղերի մասնակցությամբ: Հատկանշական է, որ մոսկվացիներին շքեղ տոն պարգևելու՝ իշխանությունների այդ ցանկության մասին հայտնի է դարձել փառատոնից ընդամենը մի քանի օր առաջ, ընդ որում, միտումնավոր թե պատահաբար՝ փառատոնը նշանակվել է օգոստոսի 10-ին, ճիշտ այն օրը, երբ ընդդիմությունը պատրաստվում է արտոնված ցույց անցկացնել մայրաքաղաքի տեղական ընտրություններում անկախ թեկնածուներին չգրանցելու դեմ:
Meat&Beat`թարգմանաբար «Միս և ռիթմ» անունով փառատոնի մասին հայտնի դարձավ երեկ կեսօրին, և րոպեներ անց արդեն այս մասին տեղեկությունը տարածվեց մի շարք լրատվամիջոցներով:
