Արցախում իրավիճակը լարված է։ Ռևանշիստները ձեռքերը գոհունակությամբ շփում են,իսկ նրանց սպասարկող լրատվամիջոցները անցել են տեղեկատվական տեռորի։
Այս մասին գրել է «Հանրապետություն» կուսակցության անդամ Լյովա Եղիազարյանը:
«Այ թերհասներ, ժողովուրդը արդեն ձեր կեղծ ու սադրիչ լուրերի նկատմամբ անտարբեր է և խուճապի չի մատնվում։ Այնպես որ զոռ մի տվեք ձեր երևակայությանը՝ այն դատարկ է, ինչպես տորիչելյան հայտնի միջավայրը»,-գրել է նա:
Հիշեցնենք, որ Արցախի ՊԲ-ն հաղորդել էր, որ Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում օգոստոսի 1-ին, ժամը 09:00-ից սկսած, ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով:
Իսկ ավելի ուշ էլ ՀՀ ՊՆ-ից հերքեցին Սյունիքի և Գեղարքունիքի հարակից հատվածներում իրադրության լարված լինելու մասին լուրերը:
