Այսօր զինվորի ծնողին ու հասարակությանը մեդիատեռորի ենթարկած կայքերի խմբագիրները տուն կգնան ու կասեն’ բալես, պապան/մաման եկան աշխատանքից, քեզ հալալ քրտինքով աշխատած կոնֆետ ենք բերել: Այս մասին գրել է քաղաքագետ Ստյոպա Սաֆարյանը:
«Իշխանությունն էլ կարձանագրի, որ ապազգային, սրիկա մարդիկ հերթական անգամ հալածեցին խեղճ հասարակությանը, ու այդպես էլ մենք չենք կարողանա վստահ լինել, որ հաջորդ անգամ այս այլանդակությունը չի կրկնվի…»,-գրել է նա:
Հիշեցնենք, որ Արցախի ՊԲ-ն հաղորդել էր, որ Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում օգոստոսի 1-ին, ժամը 09:00-ից սկսած, ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով:
