Ըստ ԱՄՆ երկրաբանական ծառայության տվյալների՝ Մեծ Աղի լճի մակերևութային ջրերի բարձրությունը իջել է ամենացածր մակարդակին՝ սկսած 1800-ականների կեսերին գրանցումների սկզբից՝ մինչև ծովի մակարդակից միջինը 1277 մ բարձրության: Ջրի մակարդակի այս անկման արդյունքում լիճը կորցրել է իր մակերևույթի գրեթե կեսը պատմական միջինից՝ բացելով շուրջ 2000 քառակուսի կմ լճի հուն՝ նույն չափով, ինչ Տեներիֆեն:
ԱՄՆ Երկրաբանական ծառայության տվյալներով, լիճն այժմ պարունակում է ջրի ծավալի մեկ չորրորդից քիչ ավելին, քան 1987 թվականին իր բարձր կետում: Ջրի օգտագործումը և կլիմայի փոփոխության հետևանքով առաջացած երաշտը լճի անկման հիմնական պատճառներից երկուսն են:
Լիճը անցնում է ջրի կորստի և համալրման սեզոնային ցիկլերի միջով այն բանից հետո, երբ անձրևի և ձյան հալոցքը նորից լցվում է այնտեղ: Ըստ պաշտոնական տվյալների՝ ջրի գոլորշիացումն ու սպառումը գերազանցում է լիճ մտնող ջրի քանակը։ Ակնկալվում է, որ լճի ջրի մակարդակն էլ ավելի կնվազի մինչև աշուն կամ ձմռան սկիզբ, երբ մուտքային ջուրը հավասարի կամ գերազանցի գոլորշիացման կորուստները:
Ստորև բերված արբանյակային պատկերները ցույց են տալիս, թե ինչպես է ջրի մակարդակն իջել 1985-ից մինչև 2022 թվականը:
Աղբյուրը՝ esa.int
Թարգմանեց՝ Աստղ Խաչատրյանը
