Պետական դատախազը խնդրել է թմրանյութերի մաքսանենգության մեջ մեղադրվող ամերիկացի բասկետբոլիստ Բրիթնի Գրիներին դատապարտել ինը ու կես տարվա ազատազրկման և մեկ միլիոն ռուբլու տուգանքի, փոխանցում է ՏԱՍՍ-ը։
Բրիթնի Գրեյները ձերբակալվել է 2022 թվականի փետրվարին Շերեմետևոյում։ Նա մեղադրվում է թմրանյութերի մաքսանենգության մեջ՝ հաշիշի յուղով վեյպի պատճառով, որը, ըստ քննիչների, հայտնաբերվել է ամերիկուհու ուղեբեռում։
Խիմկիի քաղաքային դատարանի նիստի ժամանակ Գրեյներն ասել է, որ իրեն մեղավոր է ճանաչում տեղի ունեցածի համար, հաղորդում է Mediazona-ն։ Միաժամանակ նա ընդգծել է, որ չի պատրաստվում որևէ արգելված բան ներմուծել Ռուսաստան, այլ դա արել է պատահաբար։ Գրեյները բացատրել է, որ ինքը ընդհանրապես չգիտեր, որ վեյփի պարկուճներն իր պայուսակում են, քանի որ իրերը հավաքում էր սթրեսային վիճակում։
Գրեյների դատավարության ֆոնին Ռուսաստանի և ԱՄՆ իշխանությունները սկսեցին քննարկել բանտարկյալների փոխանակման հարցը: ԱՄՆ-ը խնդրում է արտահանձնել Գրեյներին, ինչպես նաև լրտեսության մեղադրանքով 16 տարվա ազատազրկման դատապարտված Փոլ Ուելանին, իսկ դրա դիմաց, ըստ CNN-ի, առաջարկում են վերադարձնել զենքի մաքսանենգության մեղադրանքով դատապարտված գործարար Վիկտոր Բուտին։
Ըստ Bloomberg-ի՝ Ռուսաստանը պատրաստ է կա՛մ Բուտի հետ փոխանակել միայն Գրեյներին, կա՛մ երկու հոգու փոխանակել երկուսի հետ, կա՛մ հրաժարվել բանակցություններից։ Փոխանակման թեկնածուների թվում են ԱԴԾ սպա Վադիմ Կրասիկովը, ով ցմահ ազատազրկվել է Գերմանիայում Չեչնիայի նախկին հրամանատար Զելիմխան Խանգոշվիլիի սպանության համար, և գործարար Վլադիսլավ Կլյուշինը։
Բրիթնի Գրիները ժամանակակից լավագույն բասկետբոլիստներից է, ով խաղացել է ԱՄՆ-ում և Ռուսաստանում։
Աղբյուրը՝ Meduza.io
