Այսօրվա գրառում-վերլուծության մեջ չէի մատնանշել անուն ազգանուններ, թե խոսքը ու՞մ մասին է գնում և թե կոնկրետ ո՞ր «ընդդիմադիրներն» կամ «փորձագետներն» են, որ Հայաստանում, մեր լեռնաշխարհի օդը շնչելով ծառայում են թշնամի պետությանը. գրել է ՀՀ Հատուկ հանձնարարություններով դեսպան Էդմոն Մարուքյանը։
«Գրառման հրապարակումից հետո, ոմանք իրենց նույնականացնելով նշածս երևույթների հետ վրդովված, որ բացահայտվել են, արձագանքում են ինձ տարատեսակ վիրավորանքներով: Բնականաբար ասվածին ավելացնելու բան չունեմ, հիմա նորմալ լյուստրացիա եղաք և ինքներդ ստանձնեցիք նկարագրված ապազգային գործելաոճի ծանր բեռը: Ցավոք դա ձեր վերջին «պասը» չէ Ադրբեջանին»։
Հիշեցնենք, որ Մարուքյանը գրել էր․
«Երևի քչերը նկատեցին, որ հայկական կողմը Լաչինի միջանցքի վերաբերյալ իր ստանձնած պարտավարությունները հանգիստ կատարում էր` նախ, պլանի հաստատաման մասով սպասելով դրա քննարկմանն ու հաստատմանը և հետո, ճանապարհի այլընտրանքային հատվածի նախագծմամբ, բնականաբար հիմք ընդունելով եռակողմ հայտարարության ժամկետը (առաջիկա երեք տարվա ընթացքում կորոշվի Հայաստանի հետ Լեռնային Ղարաբաղի կապն ապահովող Լաչինի միջանցքով երթևեկության նոր երթուղու կառուցման պլանը, ռուսական խաղաղապահ զորակազմի հետագա վերատեղաբաշխմամբ՝ այդ երթուղու պահպանության համար)։
