ՀՀ կառավարությունը, Եվրասիական զարգացման բանկը (ԵԱԶԲ) և «Երեմյան ֆարմը» ստորագրել են համագործակցության ներդրումային համաձայնագիր, որի շրջանակում Եվրասիական զարգացման բանկը «Երեմյան փրոջեքթս» ընկերությունների խմբին կհատկացնի 25 մլն ԱՄՆ դոլար՝ արտադրության ամբողջական ցիկլի զարգացման համար:
Նախատեսվում է քիչ արտադրողականությամբ կենդանիների փոխարինում ավելի բարձր արտադրողականությամբ կենդանիներով, կերային կուլտուրաների աճեցման համար գյուղատնտեսական տարածքների ընդլայնում և արդիականացում՝ մսամթերքի և կաթնամթերքի արտադրության մեծացում։
Եռակողմ հուշագրի ստորագրումից հետո ՀՀ էկոնոմիկայի նախարար Վահան Քերոբյանը, ԵԱԶԲ խորհրդի նախագահ Նիկոլայ Պոդգուզովը և «Երեմյան Փրոջեքթս»-ի գլխավոր տնօրեն Դավիթ Երեմյանը «Ալեքսանդր» հյուրանոցում մասնակցել են «Երեմյան Փրոդաքթս»-ի կաթնամթերքի համտեսին և ծանոթացել ներկայացված տեսականու համային հատկանիշներին:
1,5 տարի և ընդհանուր 31 մլն դոլար արժեք ունեցող ներդրումային այս ծրագրի շնորհիվ շատ շուտով «Երեմյան Փրոդաքթս»-ը սպառողին կներկայանա նոր տեսականիով ու նոր ծավալներով:
