Հիմնանորոգվում է Մ-3, Մարգարա-Վանաձոր-Տաշիր-Վրաստանի սահման միջպետական նշանակության ավտոճանապարհի կմ2+000 – կմ10+500 հատվածը։ 8.5 կմ երկարությամբ ավտոճանապարհն անցնում է Արմավիրի մարզով։
Շինաշխատանքները կատարում է «Էն Շին» ՍՊԸ-ն, տեխնիկական հսկողությունը՝ «Քարազարթ» ՍՊԸ-ն։
Այս պահին կապալառուն կատարում է հողային աշխատանքներ, տեղադրվում է ավազակոպճային շերտ, ճանապարհին առկա նստվածքներում հեռացվում է կավային շերտը և լցվում ավազակոպիճ՝ ամրացնելով հիմքը։
Հիմնանորոգման շրջանակում կփոխվի ճանապարհային պատվածքը, կկատարվեն ճանապարհի կահավորման և այլ աշխատանքներ։ Կնորոգվեն նաև ճանապարհին առկա կամուրջները։
Աշխատանքների պայմանագրային արժեքն է 1 մլրդ 88 մլն դրամ։ Հիմնանորոգումը կատարվում է ՀՀ պետական բյուջեի միջոցներով։
